Fyllingar


Eftir aðgerðina í október 2016 fór ég í tvær fyllingar áður en ég áttaði mig á því að ég væri ófrísk. Mig minnir að það hafi verið fyllt 2.0 í bæði skiptin og að þá hafi ég verið komin með 5,6 í bandið í heildina (er með 10ml band). Fljótlega lét ég taka 2.0 úr bandinu og var þannig þar til ca. mánuði fyrir settan dag þá tæmdi ég alveg úr bandinu.

Í október 2017 ákvað ég að byrja aftur að fylla á bandið og í fyrstu fyllingu var skellt heilum 3.0 í bandið og svo strax í nóvember 2.0. Ég mæli ekki með því að það sé fyllt svona svakalega hratt. Ég átti ógurlega erfitt í desember og var iðulega að lenda í vandræðum og skila bitum sem sátu fastir.

Í janúar fór ég og þá var ákveðið að taka bara róleg skref og þar sem ég hafði verið að léttast vel að það þyrfti ekkert að gera neitt dramatískt. Núna var fyllt á 0.2. Þar sem það hafði gengið vel þá ákvað ég að ég þyrfti ekki að koma aftur fyrr en eftir tvo mánuði.

Það sem gerðist á þessum tveimur mánuðum var að ég fór að leita í mat sem átti auðvelt með að komast framhjá bandinu. Snakk, súkkulaði og þannig lagað. Ég var alls ekki að liggja á beit eins og ég gerði fyrir aðgerð en smá súkkulaði hér og annað þar... Þetta endaði á því að ég fór hægt og hægt að bæta á mig einhverjum 2-3kg og rokkaði svolítið á viktinni. Ég var 100% meðvituð um það að ég væri ekki að taka réttar ákvarðanir og svo kom að því að ég átti að fara í fyllingu og þá bara frestaði ég tímanum. Nammipúkinn var ekki tilbúinn að gera neinar breytingar.

Eftir páska tók ég mér tak og náði að skafa af mér þessi "súkkulaði" kg.

Í dag ákvað ég svo loksins að panta tíma á Domus hjá henni Sigríði minni og mér til mikillar ánægju fékk ég tíma samdægurs. Brunaði í borgina og hoppaði á viktina hjá henni. Ég var nákvæmlega jafn þung og í janúar. Fjúff þvílíkur léttir! Við ákváðum að taka þessu rólega og bæta aftur bara 0.2 í bandið og núna ætla ég að standa mig og láta súkkulaðið eiga sig. Nema kannski smá á laugardögum 😜

Í dag er ég með sléttar 6.0 í bandinu og vonandi er ég komin á grænasvæðið eða alveg að nálgast það. 



Það eru svo margir sem spurja mig hvernig þetta virkar með fyllingarnar og fann ég þetta youtube myndband sem útskýrir það svo vel. Læt það fylgja með 😊











Ummæli

Skrifa ummæli

Vinsælar færslur af þessu bloggi

-1,6kg á einni viku.

Mynd
Nú hef ég verið að reyna að passa uppá mataræðið síðustu vikurnar og skrái allt inn á my fitnespal. Það hefur svo sannarlega skilað árangri. -1,6kg á einni viku og -3,8kg frá 3.apríl. Viktin sagði 90,3kg og er ég því 400gr frá því að komast LOKSINS undir þennan bjévítans TUG. Þeger ég hef farið í átök í gegnum árin þá hefur mér tekist að komast undir 100 og ætla mér ALDREI aftur að fara yfir 100. Þið kannist mörg hver við þann dans. En aldrei hefur mér tekist að komast undir 90 kg. Ég er því virkilega spennt fyrir komandi vikum og vonandi þarf ég aldrei að sjá töluna 90 aftur á blessuðu viktinni. Mig langar aðeins að útskýra hvað ég á við þegar ég segist skrá allt í my fitnespal. Þá meina ég ALLT. Ef ég fæ mér ballerínukex þá fer það inn. Ekki til þess að mér líði illa yfir því hvað ég er að troða í mig eða hvað það nú gæti verið. Heldur einfaldlega bara til þess að gera mér grein fyrir því hvað það er sem ég er að borða og þá sé ég hvaða breytingar ég get gert ef ég ...
Lesa meira

30kg múrinn!

Mynd
Í gær var viktunardagur og fóru 900gr þessa vikuna. Það sem merkilegra er að ég rauf 30kg múrinn! Það er svo gaman þegar maður nær að haka við markmiðin sín og mikilvægt að fagna því! Þetta er allt eitthvað sem hjálpar manni að halda sig við efnið. Þegar ég fór í magabandsaðgerðina í október 2016 þá var ég 118,3kg og í gær þegar ég steig á viktina var ég 88,2kg. Ég var í raun og veru hissa þegar ég steig á viktina að það hafi farið 900 gr því að hreyfingin var af skornum skammti í vikunni og mataræðið var ekki gott. Ég sagði frá því fyrir einum eða tveimur bloggum síðan að ég skráði allt inn á myfitnes pal og að ég væri nánast með "all my shit together" en svo kemur svona rugl vika eins og síðast. Ég var í einhverri ógurlegri lægð og var fljótlega hætt að skrá í fitnespalinn. Það sem maður getur verið flottur og sýndarlegur hérna í blogginu en er síðan bara í ruglinu korteri seinna. Ég fékk slæmar fréttir sem fengu mjög á mig og ég viðurkenni það að kexpakkinn var fljótur...
Lesa meira

-1,2kg

Mynd
Nú er ég svo aldeilis hissa, var svolítið stressuð að fara á viktina þar sem ég er ekki búin að vera alltof dugleg í mataræðinu. Nammidagur breyttist í nammihelgi og svo var smá kex og svona. En aftur á móti þá hef ég verið öflug í hreyfingunni og passa að hreyfa mig eitthvað á hverjum degi. Það er búið að vera svo yndislegt veður síðustu daga að ég hef yfirleitt tekið tvo göngutúra á dag eða tekið einn göngutúr og svo stutta skorpu á hlaupabrettinu til að svitna smá. Áhyggjur mínar af viktinni voru óþarfar, -1,2kg þessa vikuna. Það MAGNAÐA er að ég rauf 90kg múrinn, nú er kjella 89,1kg takk fyrir pent! Hef ekki séð þessa tölu eða tölu undir 90 síðan ég var á tvítugsaldri. Já núna er maður bara áttatíu og eitthvað kg í staðin fyrir nítíu eða hundrað+. Ég veit að maður á ekki að pæla bara í kg og allt það. En þegar maður er búinn að vera í rúman áratug að berjast við að komast niður fyrir hundrað og þurfa að gera það 2-3x þá er þetta bara svo yndisleg tilfinning! Nú eru þetta lí...
Lesa meira